لاہور ‘ فیروز والا میں ٹریفک حادثات ‘2 افراد ہلاک‘13 زخمی
لاہور + فیروزوالا (نامہ نگار) ٹریفک حادثات میں 2 افراد ہلاک اور 13 شدید زخمی ہو گئے۔ تفصیلات کے مطابق سبزہ زار کھاڑک سٹاپ کے قریب تیز رفتار ویگن نے نامعلوم راہگیر کو کچل کر ہلاک کر دیا،باٹا پور کے قریب ٹریکٹر ٹرالی اور کار میں تصادم میں کار سوار تین افراد اقبال ،مقصود وغیرہ زخمی ہوگئے جبکہ مال روڈ پر موٹر سائیکل سلپ ہونے کے باعث دو نوجوان شدید زخمی ہوگئے۔ احسان اللہ باپ عالم اور بھائی شہزاد عرف ساجد کے ہمراہ کار پر فیصل آباد جا رہا تھا۔ ٹول پلازہ کے قریب تیزرفتار ٹروم کار نے ٹکر مار دی جس کے باعث کار سوار شہزاد عرف ساجد ہلاک ہو گیا جبکہ احسان اللہ اور اس کا والد زخمی ہو گئے۔ دریں اثنا رانا ٹاﺅن کے قریب تیزرفتار ویگن بے قابو ہوکر موٹرسائیکل سے ٹکرا گئی جس کے باعث ماں بیٹا شدید زخمی ہو گئے جبکہ جی ٹی روڈ پر تیزرفتار بس نے سڑک کنارے کھڑے تین افراد کو روند ڈالا جو شدید زخمی ہو گئے۔ بیگم کوٹ کے قریب موٹرسائیکل سے گر کر دو افراد زخمی ہو گئے۔زخمیوں کو طبی امداد کیلئے ہسپتال داخل کرا دیا گیا۔
