سی آئی اے کے رات گئے شہر میں چھاپے‘ درجنوں مشکوک افراد گرفتار
لاہور (نامہ نگار) سی آئی اے پولیس نے رات گئے چھاپے مار کر درجنوں مشکوک افراد کو حراست میں لے لیا جبکہ گرین ٹاﺅن سے ایک شخص کو گرفتار کرکے اسلحہ برآمد کر لیا۔ تفصیلات کے مطابق سی آئی اے پولیس نے خفیہ اداروں کے ساتھ مل کر مشترکہ آپریشن کے دوران لاہور کے علاقہ نواں کوٹ‘ شادباغ‘ کرشن نگر‘ بھاٹی گیٹ‘ سندر‘ چوہنگ‘ بیدیاں روڈ‘ مغلپورہ‘ گرین ٹاﺅن‘ جوہر ٹاﺅن‘ اقبال ٹاﺅن سمیت دیگر علاقوں میں درجنوں مقامات پر چھاپے مارے اور مشکوک افراد کو حراست میں لیکر تفتیش کیلئے نامعلوم مقام پر منتقل کر دیا جبکہ گرین ٹاﺅن کے علاقہ سے ایک گھر سے بھاری مقدار میں اسلحہ برآمد کرکے ایک شخص کو گرفتار کر لیا۔
