گوجرانوالہ (نمائندہ خصوصی) گوجرانوالہ میں 2 بکروں کی دھوم دھام سے شادی کرائی گئی، بینڈ باجے، ڈھول کی تھاپ پر نوٹوں کی بارش کی گئی، بکروں کے مالک نے رشتہ داروں کو مدعو کر کے دعوت ولیمہ بھی کر ڈالی۔ سیٹلائٹ ٹاﺅن کے رہائشی حاجی چاند کے تین سو اور دو سو نوے کلو وزنی بکروں کو دیکھ کر لوگ دنگ رہ گئے ، بکروں کو دولہے کی طرح سجایا گیا اور سونے کے بارہ تولے طلائی زیورات کے ساتھ ان کا ہار سنگھار بھی کیا گیا، بکروں کے مالکان نے بکروں کی بارات میں رشتہ داروں کو بھی مدعو کر رکھا تھا ، بینڈ باجے کے ساتھ لائی گئی بکروں کی بارات میں باراتی سو سو اور ہزار ہزار کے نوٹ بھی نچھاور کرتے رہے ،دولہے کی طرح سجے بھاری بھرکم بکروں کو دیکھنے کے لیے لوگوں کا رش لگ گیا ، آنے والے مہمانوں کی کھانے سے تواضع بھی کی گئی ، بکروں کے مالک کا کہنا ہے کہ اللہ کی راہ میں خوبصورت اور صحت مند جانوروں کی قربانی کا شوق ہے اور انہوں نے ان بکروں کو بچوں کی طرح پالا ہے اور آج ان دونوں بکروں کی شادی کے طور پر خوشی منا رہے ہیں۔