کراچی (سٹاف رپورٹر) مسلم لیگ (ن) کے مرکزی رہنما سردار ممتاز علی بھٹو نے ایک بیان میں کہا ہے کہ شہید ذوالفقار علی بھٹو کی بہو غنویٰ بھٹو کی زمینوں پرقبضہ اور ان سے غیر اخلاقی رویہ زرداری کا بھٹو خاندان سے نمک حرامی کا ایک نیا واقعہ ہے۔ ہم غنویٰ بھٹو کا ہر محاذ پر بھرپور ساتھ دیں گے۔ واضح رہے کہ ڈیڑھ سال قبل بھی زرداریوں نے لاڑکانہ کے کچے میں بھٹو قبیلے کے لوگوں کی زمینوں پر پولیس کی بھرپور نگرانی میں کھوڑوں سے قبضہ کر لیا تھا۔