کراچی جانیوالی قراقرم ایکسپریس کا انجن فیل 5، گھنٹے ٹریفک بند، مسافر پریشان، احتجاج، ٹریک پر دھرنا
دوڑ (آن لائن) لاہور سے کراچی جانیوالی قراقرم ایکسپریس کا انجن دوڑ کے قریب ویرانے میں فیل ہوگیا جس سے ڈائون ریلوے ٹریک پانچ گھنٹوں تک ٹرینوں کی آمدورفت کیلئے بند رہا۔ ہزاروں مسافروں نے پریشانی کے باعث احتجاج کیا اور ریلو ے ٹریک پر دھرنادیا۔ ٹرین کئی گھنٹوں تک کھڑی رہی اسی دوران ڈائونریلوے ٹریک بند ہونے کے باعث کراچی جانیوالی پاکستان ایکسپریس اور شالیمار نائٹ کوچ کو دوڑ اور کراچی ایکسپریس کو باندھی ریلوے سٹیشن پر روکدیا جس کی وجہ سے ان ٹرینوں میں سوار ہزاروں مسافروں کو شدید پریشانی کا سامنا کرنا پڑا۔ اس دوران مسافروں اور ریلوے عملے میں تلخ کلامی بھی ہوئی۔
