اسلام آباد (سپیشل رپورٹ) سکاٹ لینڈ کے وزیر خارجہ حمزہ یوسف پاکستان کے دورے پر پہنچ گئے ہیں۔پاکستان میں برطانوی ہائی کمشن کے ذرائع کے مطابق سکاٹ لینڈ کے وزیرخارجہ کا یہ پہلا دورہ پاکستان ہے۔ اپنے دورہ کے دوران وہ پاکستان کی سیاسی اور کاروباری شخصیات سے ملاقاتیں کریں گے۔اگلے سال دولت مشترکہ گیمز سکاٹ لینڈ میں منعقد ہو رہی ہیں سکاٹ لینڈ کے وزیر خارجہ نے کہا کہ سکاٹ لینڈ میں مقیم پاکستانیوں نے سکاٹ لینڈ کی ترقی میں اہم کردار ادا کیا ہے۔میری طرح سکاٹ لینڈ میں مقیم پاکستانیوں کے اپنے وطن سے بھی گہرے رشتے ہیں۔