سکھر (نوائے وقت رپورٹ) اپوزیشن لیڈر خورشید شاہ نے کہا ہے کہ وزیراعظم نواز شریف کیلئے آج بھی دعاگو ہیں۔ بلاول بھٹو نے کوئی غلط بات نہیں کی۔ دعاگو ہیں نواز شریف حکومت پانچ سال پورے کرے۔ ہم جلاﺅ گھیراﺅ والے حالات پیدا کرکے انارکی نہیں پھیلانا چاہئے۔ کچھ لوگ چاہتے ہیں کہ ماضی کی سیاست کو دہرایا جائے۔ صبر و تحمل کے ساتھ آگے بڑھ رہے ہیں۔ ہم دھاندلی کیخلاف عمران خان کے ساتھ نکلتے تونتیجہ کیا ہوتا؟ پیپلز پارٹی نے جمہوریت کیلئے بڑی قربانیاں دیں۔ بلاول بھٹو کو کب اور کس وقت سامنے لانا ہے ہمارا مسئلہ ہے۔ جب تیر کیخلاف بات کی جاتی ہے توہم کچھ نہیں کہتے۔ جب تیر اڑتا ہے تو کبھی پتنگ کو لگتا ہے تو کبھی بلے کو۔ بلاول کاجذبہ دیکھ کر بڑے بڑے لیڈر گھبرا رہے ہیں۔ اگرہم تنقید نہیں کریں گے تو عوام کی نمائندگی کون کریگا۔ مشرف جلد ملک سے باہر چلے جائیں گے۔
خورشید شاہ