لاہور(سپورٹس رپورٹر) جنوبی افریقہ کے خلاف پانچ ایک روزہ میچوں سیریز کے لیے اعلان کردہ پاکستان ٹیم کے کھلاڑیوں کا تربیتی کیمپ آج سے باقاعدہ نیشنل کرکٹ اکیڈمی لاہور میں شروع ہو گا۔ پاکستان کرکٹ بورڈ کی جانب سے سیریز کے لیے اعلان کردہ 16 کھلاڑیوں میں سے 8 کھلاڑی پہلے سے امارات میں موجود ہیں جبکہ بقیہ 8 کھلاڑیوں نے گذشتہ روز نیشنل کرکٹ اکیڈمی میں رپورٹ کر کے پریکٹس کا آغاز کر دیا ہے۔ این سی اے لاہور میں رپورٹ کرنے والے کھلاڑیوں میں ناصر جمشید، محمد حفیظ، عمر اکمل، شاہد آفریدی، سہیل تنویر، وہاب ریاض، شعیب مقصود اور سرفراز احمد (وکٹ کیپر) شامل ہیں۔