لاہور(سپورٹس رپورٹر) پاکستان لائرز کر کٹ ٹیم نے چوتھے لائرز کر کٹ ورلڈ کپ میں آسٹریلیا کو آٹھ وکٹوں سے شکست دے کر فائنل کے لئے کوالیفائی کر لیا ہے۔ ٹورنامنٹ کا فائنل کل 22 اکتوبر کو نئی دہلی میں پاکستان اور بھارت کے مابین کھیلا جائے گا۔ گزشتہ روز کھیلے گئے لیگ میچ میں پاکستان نے آسٹریلیا کو آٹھ وکٹوں سے شکست دے دی۔اس میچ میںآسٹریلوی ٹیم نے ٹاس جیت کر پہلے بیٹنگ کر نے کا فیصلہ کیا اور مقررہ 35اووروں میں آٹھ وکٹوں کے نقصان پر 133رنزبنائے۔ ڈیوڈ کلباٹ45 اور ٹپ لیٹی 33رنزبناکر نمایاں رہے۔ پاکستان لائرز ٹیم کی طرف سے میاں صفدر نے دو کھلاڑیوں کو آﺅٹ کیا۔ جواب میں پاکستان لائرز ٹیم نے ہدف دو وکٹوں کے نقصان پر 136رنز بناکر ٹورنامنٹ کے فائنل کے لئے کوالیفائی کر لیا۔ کپتان جمال سکھیرا 24 (ریٹائر ہرٹ) جبکہ کاشف سہیل 47، محمد فاضل 33ناٹ آﺅٹ اورسلمان ہُدی 18رنز بناکر ناٹ رہے۔ میاں صفدر کو مین آف دی میچ قرار دیا گیا۔