اسلام آباد (این این آئی) عوامی مسلم لیگ کے سربراہ شیخ رشید نے کہا ہے کہ امریکی دورے کے دوران نوازشریف دبائو میں رہیں گے۔ ایک انٹرویو میں شیخ رشید احمد نے کہاکہ نوازشریف ایسے وقت میں امریکہ جا رہے ہیں جب پاکستان کی معیشت بد حالی کا شکار ہے اور اسے فوری طور پر پانچ بلین ڈالرز درکار ہیں۔ انہوں نے کہا کہ ڈرون حملے رکوانے کے حوالے سے نواز شریف کچھ نہیں کر سکتے۔ شیخ رشید نے کہا کہ نواز شریف امریکی دورے پر انتہائی دبائو میں رہیں گے اور شمالی وزیرستان میں آپریشن پر  راضی ہو جائیں گے جس سے فوج کیلئے نئے مسائل پیدا ہوں گے۔