گوجرانوالہ (نمائندہ خصوصی) گوجرانوالہ میں تین بھائیوں نے ساتھیوں کی مدد سے رقم لین دین کے تنازعہ پر حقیقی بہنوئی کو کلہاڑیاں مار کر شدید زخمی کردیا۔ بتایا گیا ہے کہ مدینہ کالونی کے رہائشی بلال کا اپنے برادر نبستیوں عمران، ثاقب اور عرفان کے ساتھ رقم لین دین کے تنازعہ پر جھگڑا ہوگیا تو اس دوران ملزمان نے ساتھیوں کی مدد سے مبینہ طور پر اپنے بہنوئی کو کلہاڑیوں کے وار کرکے شدید زخمی کردیا تاہم مضروب کو تشویشناک حالت میں ڈسٹرکٹ ہسپتال منتقل کیا گیا جہاں پر اسے طبی امداد فراہم کی جارہی ہے جبکہ سول لائن پولیس مصروف تفتیش ہے۔