رانچی(اے پی پی) بھارت اور آسٹریلیا کی کرکٹ ٹیموں کے درمیان چوتھا ون ڈے انٹرنیشنل (کل) بدھ کو جے ایس سی اے انٹرنیشنل سٹیڈیم کمپلیکس، رانچی میں کھیلا جائے گا۔ مہمان ٹیم آسٹریلیا کو سات میچز کی سیریز میں 2-1 کی برتری حاصل ہے۔ پونے میں کھیلے گئے پہلے ون ڈے میچ میں کینگروز نے دھونی الیون کو 72 رنز سے چت کیا تھا، جے پور میں کھیلے جانے والے دوسرے ون ڈے میچ میں بھارت نہ اچھا کم بیک کیا اور 9 وکٹوں سے فتح حاصل کرکے سیریز برابر کردی تاہم اگلے ہی میچ میں آسٹریلیا نے 304 رنز کا ہدف حاصل کرکے ایک بار پھر برتری حاصل کر لی۔ دونوں ٹیموں کے درمیان سیریز کا پانچواں ون ڈے میچ 26 اکتوبر کو کوٹک ، چھٹا 30 اکتوبر کو ناگپور جبکہ ساتواں اور آخری ون ڈے میچ 2 نومبر کو بنگلور میں کھیلا جائے گا۔