دبئی (آئی این پی) سابق کپتان یونس خان نے کہا کہ جنوبی افریقہ کے خلاف ٹیسٹ سیریز 2-0سے جیتنا چاہتے ہیں، جنوبی افریقہ کی ٹیم اچھی ہے تاہم ہاشم آملہ کی کمی ضرور محسوس کرے گی۔ ایک روزہ سیریز میں مجھے شامل نہ کرنا حیران کن ہے، میں نے ایک روزہ میچوں سے اپنی ریٹائرمنٹ کا اعلان نہیں کیا۔ پریس کانفرنس سے خطاب کرتے ہوئے انہوں نے کہا کہ ایک روزہ سیریز کیلئے ٹیم میں اپنی عدم شمولیت پر شدید ردعمل کا اظہار کیا۔ انہوں نے کہا کہ جنوبی افریقہ کیخلاف سیریز 2 صفر سے جیت کر قوم کو تحفظ دینا چاہتے ہیں۔ بیشک سا¶تھ افریقہ کی ٹیم بہترین ہے لیکن ہاشم آملہ کی کمی محسوس ہو گی۔ یونس خان نے ایک سوال کے جواب میں کہا کہ یہ تاثر غلط ہے کہ میں ون ڈے میچ نہیں کھیلنا چاہتا۔ کھلاڑی کی عمر سے کچھ نہیں ہوتا جب تک فٹنس اور فارم برقرار ہو کھیلتے رہنا چاہئے۔ انہوں نے اس عزم کا اظہار کیا کہ میں جب تک فٹ اور فارم میں ہوں، ہر قسم کی کرکٹ کھیلنا چاہوں گا۔