جدہ (این این آئی) سعودی حکومت نے سعودی کوہ پیما ریحام کی حوصلہ افزائی کےلئے اعزازات اور انعامات سے نوازنے کا فیصلہ کر لیا۔ ٹیکنیکل کمیٹی سعودی فیڈریشن کے سربراہ ڈاکٹر خالد السلیمان نے بتایا کہ شہزادہ نواف بن فیصل، جو نوجوانوں کے امور کے نگران بھی ہیں، نے حکم پر یحام اور اس کے اہلخانہ کو اگلے ہفتے ریاض میں اس سلسلے میں ایک خصوصی تقریب میں شرکت کیلئے مدعو کیا تاکہ ریحام کو اعزازی شیلڈ اور تحائف پیش کئے جا سکیں۔ ریحام کے والد نے بتایا کہ میری بیٹی دنیا کو یہ باور کرانا چاہتی ہے کہ کوئی شخص جب ایک فیصلہ کر لیتا ہے تو وہ اس کےلئے ممکن ہو جاتا ہے۔