فیصل آباد (نمائندہ خصوصی) کینال روڈ ٹھٹھہ پل پر باراتیوں سے بھری بس الٹ گئی،  52 سالہ شخص جاںبحق ہو گیا جبکہ 6 خواتین اور 3 بچوں سمیت 17 افراد شدید زخمی ہو گئے۔ بادامی باغ لاہور سے باراتیوں سے بھری بس نمبر LES-4701 فیصل آباد کے علاقہ الٰہی آباد جا رہی تھی کینال روڈ ٹھٹھہ پل پر بس کمانی ٹوٹنے کے باعث الٹ گئی جس کے نتیجہ میں 52 سالہ عبدالغفور جاں بحق ہو گیا جبکہ اس کی بیوی 52 سالہ نسیم بی بی 12 سالہ بچہ سرمد الیاس، 28 سالہ رضیہ ارشد، 40 سالہ پروین خالد، 17 سالہ مہوش خالد، 25 سالہ فائزہ عظیم، 50 سالہ عبدالواحد، 35 سالہ محمد الیاس، 16 سالہ عثمان امانت، 60 سالہ عبدالعزیز، 18 سالہ خرم خالد، 22 سالہ نعیم رفیق، 11 سالہ عثمان، 10 سالہ فرخ بشیر، 13 سالہ عامر صدیق اور 25 سالہ آمنہ امجد زخمی ہو گئے۔