گلگت (این این آئی) تین روزہ سلک روٹ فیسٹیول آج سے گلگت بلتستان میں شروع ہوگاجس میں ملک بھر کے علاوہ 14 ممالک کے 22 سفیر اور سفارتی عملہ شریک ہوگا۔ چیف سیکرٹری گلگت بلتستان یونس ڈاگا کے مطابق سانحہ نانگا پربت کے بعد بین الاقوامی سطح پر گلگت بلتستان کی بدنامی ہوئی۔ فیسٹیول کے ذریعے علاقے کی اچھی تصویر اجاگر ہوگی۔ انہوں نے کہا کہ اس فیسٹیول کے ذریعے علاقے کی حفاظت اور روشن چہرہ بین الاقوامی سطح پر اجاگر ہوگا جو مہمان بیرون ممالک سے آرہے ہیں وہ اس فیسٹیول میں شریک ہونے کے بعد اپنے اپنے ممالک میں جاکر اس علاقے کے منفی تاثر کو زائل کرنے کی کوشش کریں۔
 اس فیسٹیول کے بعد ہم امید کرتے ہیں کہ علاقے میں سیاحت کو فروغ ملے گا۔