کامن ویلتھ گیمز ، قومی ویٹ لفٹنگ ٹیم کے ٹرائلز شیڈول کا اعلان
لاہور (سپورٹس رپورٹر) پاکستان ویٹ لیفٹنگ فیڈریشن نے کامن ویلتھ گیمز میں حصہ لینے والی قومی ویٹ لیفٹنگ ٹیم کے انتخاب کے لیے ٹرائلز شیڈول کا اعلان کر دیا ہے۔ شیڈول کے مطابق ٹرائلز 5 نومبر کو یونیورسٹی گراونڈ لاہور میں منعقد ہونگے۔ پاکستان ویٹ لیفٹنگ فیڈریشن نے اپنے الحاق رکھنے والے تمام یونٹس کو ہدایت کی ہے کہ وہ ٹرائلز میں حصہ لینے کے لیے اپنے بہترین ویٹ لیفٹرز کو بھجوائیں۔ پاکستان ویٹ لیفٹنگ فیڈریشن کے زیر اہتمام منعقد ہونے والے ٹرائلز سے منتخب ہونے والی ٹیم اگلے سال گلاسگو کی کامن ویلتھ گیمز میں ملک کی نمائندگی کرے گی۔
