اسلام آباد (نوائے وقت نیوز) سینیٹر محمد یوسف کی زیر صدارت سینیٹ کی قائمہ کمیٹی کا اجلاس ہوا۔ وزیر پٹرولیم شاہد خاقان نے بتایا کہ دسمبر اور جنوری میں صرف گھریلو صارفین کو ہی بمشکل گیس دے سکیں گے۔ ایران سے گیس کی درآمد کا عالمی معاہدہ کیا ہوا ہے۔ عالمی اقتصادی پابندیوں کے باعث منصوبے میں مشکلات ہیں۔ ایران کو پچاس کروڑ ڈالر کی پیش کش موجود ہے منصوبے میں تاخیر پر پاکستان کو روزانہ 30 لاکھ ڈالر ادا کرنا پڑیں گے۔