سڈنی (این این آئی )آسٹریلوی کرکٹ ٹیم 3ٹیسٹ اور 3ٹونٹی 20میچز کی سیریز کھیلنے کیلئے آئندہ سال فروری، مارچ میں جنوبی افریقہ کا دورہ کرے گی۔ آسٹریلوی ٹیم دورہ جنوبی افریقہ کا آغاز پریکٹس میچ سے کرے گی پریکٹس میچ 5سے 8فروری تک جنوبی افریقہ انوٹیشنل الیون کیخلاف کھیلا جائیگا۔ اس پریکٹس میچ کے بعد دونوں ٹیموں کے درمیان ٹیسٹ سیریز کا آغاز ہوگا۔ پہلا ٹیسٹ میچ 12سے16فروری تک کھیلا جائے گا جبکہ دوسرا ٹیسٹ میچ 20سے 24فروری تک ہوگا ۔ سیریز کا تیسرا اور آخری ٹیسٹ میچ یکم سے 5مارچ تک کھیلا جائے گا ۔ ٹیسٹ سیریز مکمل ہونے کے بعد دونوں ٹیموں کے درمیان تین ٹونٹی 20میچز پر مشتمل سیریز کا آغاز ہوگا ۔ پہلا ٹونٹی 20میچ 9مارچ کوکھیلا جائے گا ۔