اسلام آباد(آن لائن) کامرہ ائر بیس حملہ میں پاکستان ایئر فورس کے تین جونیئر ملازمین کو حملے کا ذمہ دار قرار دے دیا گیا ، کورٹ مارشل کی کارروائی کیلئے سینئر افسر کی سربراہی میں قائم عدالت گیارہ نومبر کو کارروائی شروع کرے گی ۔ میڈیا رپورٹس کے مطابق ڈیڑھ سال قبل پندرہ اور سولہ اگست کی درمیانی شب کامرہ ائر بیس پر دہشتگردوں نے حملہ کیا جس میں دوسے تین طیاروں کو ڈھائی ارب روپے کا نقصان پہنچا تھا اس حملے میں پاکستان ائر فورس کے تین جونیئر ملازمین کو حملے کا ذمہ دار قرار دیا گیا ہے ملازمین کے خلاف چارج شیٹ میں کہا گیا ہے کہ ائر فورس پر تعینات تین پی اے ایف ملازمین قومی اثاثوں کی حفاظت میں ناکام رہے ہیں تاہم حملے میں کسی سینئر افسر کو حملے کا ذمہ دار قرار نہیں دیا گیا تینوں ملازمین کو گرفتارکرلیا گیا ہے ۔ان ملازمین کیخلاف کورٹ مارشل کی کارروائی کیلئے سینئر افسر کی سربراہی میں عدالت قائم کردی گئی جو گیارہ نومبر کو ان ملازمین کیخلاف کارروائی کا آغاز کرے گی۔