لاہور(سپورٹس رپورٹر) سابق اولمپئنز نے ایشینز چیمپئنز ٹرافی میں پاکستان ٹیم کے افتتاحی میچ کو آسان قرار دیتے ہوئے امید ظاہر کی ہے کہ قومی ٹیم ٹائٹل کا کامیاب دفاع کرنے کی صلاحیت رکھتی ہے۔ خصوصی گفتگو میں پاکستان ٹیم کے سابق کپتان ایم عثمان اورسابق اولمپئن دانش کلیم کا کہنا تھا کہ پاکستان کا افتتاحی میچ اومان کے ساتھ ہے جو ایک آسان میچ ہے تاہم پاکستان ٹیم کے کھلاڑیوں کو اس میچ کو بھی آسان نہیں لینا چاہئے اور پوری قوت کے ساتھ میدان میں اترنا ہوگا۔ ٹیم میں نوجوان اور سنیئر کھلاڑی کافی عرصہ سے اکھٹے کھیل رہے ہیں لہذا انہیں اچھی کارکردگی کا مظاہرہ کرنا چاہئے۔