لاہور ( این این آئی) پرائیڈ آف پرفارمنس اداکارہ و گلوکارہ شاہدہ منی نے کہا ہے کہ ہمیں اپنی موسیقی کو زندہ رکھنے کے لئے انقلابی اقدامات کرنا ہونگے ، پاکستان کا میوزک ایک وقت میں برصغیر سمیت پوری دنیا میں بڑا مقبول تھا ، موسیقار بابا جی اے چشتی ، خواجہ خورشید انور ، رشید اطہرے ، وزیر بخشی ، ماسٹر غلام حیدر ، ایم اشرف ، طافو جیسے موسیقاروں نے بھارت سے اپنے صلاحیتوں کا لوہا منوایا ہے ۔ ان کی ترتیب دی گئی دھنیں آج بھی عوام میں مقبول ہیں ۔