لاہور (سپورٹس رپورٹر) تیسری ایشین چیمپئنز ٹرافی ہاکی ٹورنامنٹ رواں برس 2 سے 10 نومبر تک جاپان میں کھیلا جائے گا جس میں پاکستانی ٹیم بھی شرکت کرے گی۔ ایونٹ میں میزبان جاپان سمیت چھ ٹیمیں شرکت کریں گی جن میں پاکستان، بھارت، اومان، چین اور ملائیشیا شامل ہیں۔ پاکستانی ٹیم 2 نومبر کو اومان کے خلاف میچ سے مہم کا آغاز کرے گی، گرین شرٹس ایونٹ میں اپنا دوسرا میچ 3 نومبر کو چین، تیسرا میچ 5 نومبر کو ملائیشیا، چوتھا میچ 7 نومبر کو روایتی حریف بھارت جبکہ پانچواں اور آخری میچ 8 نومبر کو جاپان کے خلاف کھیلے گی۔