کولمبو (اے پی پی) سری لنکا کرکٹ کی سلیکشن کمیٹی نے نیوزی لینڈ کے خلاف تین ایک روزہ بین الاقوامی میچوں کی سیریز کے پہلے دو میچوں کیلئے 16 رکنی ٹیم کا اعلان کر دیا۔ فاسٹ باﺅلر شامندا ایرنگا کو ڈراپ کر دیا گیا جبکہ دیمتھ کرونارتنے کی دو برس بعد ٹیم میں واپسی ہوئی ہے۔ آل راﺅنڈر آشان پریینجن پہلی بار سلیکٹرز کا اعتماد حاصل کرنے میں کامیاب رہے۔ اینجیلو میتھیوز بدستور ٹیم کی قیادت کریں گے جبکہ دیگر کھلاڑیوں میں تلکارتنے دلشان، دیمتھ کرونارتنے، کوسل پریرا، کمار سنگاکارا، مہیلاجے وردھنے، دنیش چندیمل، لاہیرو تھرامانے، تھسرا پریرا، نووان کولاسیکرا، لاستھ مالنگا، سورنگا لکمل، رنگناہیراتھ، ساچھترا سینا نیاکے، اجنتھا مینڈس اور آشان پریینجن شامل ہیں۔ ون ڈے سیریز کا آغاز 10 نومبر سے ہو گا۔