لاہور ( کامرس رپورٹر) پریذیڈنٹ کپ کرکٹ ٹورنامنٹ کے قذافی سٹیڈیم میں کھیلے جا رہے میچ میں پی ٹی وی کی ٹیم نے پہلی اننگز میں 359 رنز بنا کرپورٹ قاسم پر 43 رنز کی برتری حاصل کر لی۔ تیسرے روز کھیل کے اختتام پر شاہ زیب حسن کی سنچری کی بدولت پورٹ قاسم دوسری اننگز میں220رنز بنا پائی۔ پی ٹی وی نے تیسرے روز 301 رنز7کھلاڑی آو¿ٹ پر پہلی اننگز شروع کی اور اس کی باقی تین وکٹیں 58 رنز کا اضافہ کر پائیں۔ ذیشان مشتاق 105 اور یاسم مرتضی 70 رنز بنا کر نمایاں بیٹسمین رہے۔ محمد سمیع اور سہیل نے تین تین جبکہ محمد طلحہ نے دو کھلاڑی آو¿ٹ کئے۔ پورٹ قاسم کی ٹیم دوسری اننگز میں 220 رنز بنا کرآو¿ٹ ہو گئی۔ شاہ زیب حسن نے 105 رنز بنائے ۔ وقار احمد اور یاسم مرتضیٰ نے تین تین جبکہ رضوان اکبر نے دو کھلاڑی آو¿ٹ کئے۔ پی ٹی وی کو میچ جیتنے کےلئے 178 رنزکا ہدف ملا۔ پی ٹی وی نے نقصان کے بغیر 16 رنز بنا لئے تھے۔لاہور شالیمار پہلی اننگز میں 226 رنز بنا کر آو¿ٹ ہو گئی، فیصل آباد کی پہلی اننگز پر 6 رنز کی برتری حاصل ہو گئی۔ فیصل آباد کی دوسری اننگز میں 8 وکٹیں صرف 96 رنز پر گر گئیں۔ محمد عرفان نے چار جبکہ وقار احمد نے دو کھلاڑی آو¿ٹ کئے۔