پیرس (سپورٹس ڈیسک) فرانس میں جاری پیرس ماسٹرز اوپن ٹینس ٹورنامنٹ میں ڈیوڈ فیرر اور نووک ڈجکووچ نے فائنل کیلئے کوالیفائی کر لیا۔ سیمی فائنل میں سپین کے رافیل نڈال کو ہم وطن ڈیوڈ فیرر نے سٹریٹ سیٹس میں شکست سے دوچار کیا۔ ان کی کامیابی کا سکور چھ تین اور سات پانچ رہا۔ دوسرے سیمی فائنل میں سربیا کے نوویک ڈجکووچ نے سوئٹزرلینڈ کے راجر فیڈر کو سخت مقابلے کے بعد زیر کیا۔ ان کی کامیابی کا سکور چار چھ، چھ تین اور چھ دو رہا۔ نوویک نے پہلا سیٹ ہارنے کے باوجود کم بیک کیا اور کامیابی حاصل کی۔ ڈبلز کے مقابلوں میں پیا اور بی سوریس کی جوڑی نے ایم میرنیائی اور روجر ویزلین کی جوڑی کو تین چھ، چھ دو اور دس تین سے شکست دے کر سیمی فائنل میں جگہ بنا لی۔