قومی یکجہتی کونسل یکم محرم سے عشرہ فاروقؓ منائے گی: آفتاب ملک
لاہور (خصوصی نامہ نگار) خلیفہ ثانی سیدنا حضرت عمر فاروقؓ کا یوم شہادت یکم محرم الحرام کو ملک بھر میں انتہائی عقیدت و احترام سے منایا جائے گا۔ قومی یکجہتی کونسل یکم محرم سے فاروق ؓ و حسینؓ منائے گی جبکہ ملک میں اتحاد و یکجہتی‘ مذہبی رواداری اور بھائی چارے کے فروغ کیلئے یکم محرم سے ملک بھر میں فاروقؓ امن کانفرنس‘ سیمینار‘ کنونشنز‘ مجالس مذاکرہ‘ تقریری و تحریری مقابلے اور قرآن خوانی کی تقریبات منعقد ہونگی۔ یہ بات کونسل کے مرکزی سیکرٹری جنرل آفتاب احمد ملک نے کہی۔
