کراچی (نوائے وقت نیوز) سیالکوٹ سے مسقط جانے والی پرواز کو فنی خرابی کے باعث کراچی ائر پورٹ پر اتار لیا گیا۔ ائر پورٹ ذرائع کے مطابق جناح انٹرنیشنل ائر پورٹ پر نجی ائر لائن کے طیارے نے ہنگامی لینڈنگ کی ہے۔ نجی ائر لائن کی پرواز 669 سیالکوٹ سے مسقط جا رہی تھی۔ ذرائع کا کہنا ہے کہ طیارے کا آٹو فلائٹ کنٹرول سسٹم فیل ہونے کے باعث ہنگامی لینڈنگ کی گئی۔ طیارے میں سوار 365 مسافروں کو بحفاظت نکال لیا گیا۔