کراچی سے سیالکوٹ جانے والی علامہ اقبال ایکسپریس کی2 بوگیاں پٹڑی سے اتر گئیں، تمام مسافر محفوظ رہے
کراچی(آن لائن)کراچی سے سیالکوٹ جانے والی علامہ اقبال ایکسپریس کی 2 بوگیاں پٹڑی سے اتر گئیں تمام مسافر محفوظ رہے، ٹرینوں کی آمد ورفت معطل ہوگئی، نجی ٹی وی کے مطابق علامہ اقبال ایکسپریس فنی خرابی کے باعث کراچی سے8گھنٹے تاخیر کے بعد سیالکوٹ کیلئے روانہ ہوئی تو کراچی کینٹ سے نکلتے ہی ٹرین کی2 بوگیاں پٹڑی سے اتر گئیں، تاہم حادثے میں کسی بھی مسافر کو کوئی نقصان نہیں پہنچا ریلوے حکام کا کہنا ہے کہ ٹریک کو جلد بحال کرکے ٹرینوں کو روانہ کیا جائے گا۔
