حضرت عمر فاروقؓ کا یوم شہادت کل عقیدت و احترام سے منایا جائیگا
نارووال (آئی این پی) خلیفہ دوئم امیر المومنین سیدنا حضرت عمرفاروقؓ کا یوم شہادت کل یکم محرم الحرام کو انتہائی مذہبی عقیدت و احترام کے ساتھ منایا جائیگا۔ اس سلسلہ میں ملک بھر میں مختلف مذہبی تنظیموں کے زیراہتمام مساجد اور مدارس میں مختلف سیمینارز، کانفرنسز اور دیگر پروگراموں کا انعقاد کیا جائے گا۔ علماء کرام اور مشائح عظام حضرت عمر فاروقؓ کی سیرت و کردار، فضائل و مناقب، دور خلافت کے اہم واقعات پر تفصیل سے روشنی ڈالیں گے۔ ریڈیو اور ٹیلیویژن پر خصوصی پروگرام نشر کئے جائیں گے۔ اخبارات خصوصی ایڈیشن شائع کریں گے۔
