گجرات (نامہ نگار) کھیل کے دوران بارودکو آگ لگنے سے دو بھائی جل کر جاں بحق جبکہ بہن زخمی ہو گئی۔ موضع سونمبڑی کے اشرف کے بچے فرخ اشر ف، سعید اشرف کو گھر کے قریبی کھیتوں سے بارودی مواد ملا جسے بچے گھر لے آئے جس کو ماچس دکھاتے ہی آگ لگ گئی جنہیں کھاریاں کینٹ ہسپتال میں منتقل کیا گیا چار روز بعد موت و حیا ت کی کشمکش میں رہنے کے بعد 15سالہ فرخ اشرف گزشتہ شب جبکہ 13سالہ سعید اشرف صبح سویرے دم توڑ گیا جنہیں سپردخاک کر دیا گیا جبکہ ورثاء کے مطابق 3 سالہ فاطمہ اشرف کی حالت خطرے سے باہر بیان کی جا  رہی ہے۔