میں آپ کے موقر اخبار کے توسط سے اپنے اس احتجاج پیغام کو حکام بالا تک پہنچانا چاہتا ہوں کہ سپریم کورٹ نے 75سال کی عمر پوری کرنے والے تمام پنشنرز کو بلاامتیاز ڈبل پنشن دینے کے احکامات جاری کئے ہیں جو کہ ریٹائرمنٹ کے موقع پر کمیوٹیشن کی اپنی رقم ہر ملازم کی جمع کی ہوتی ہے۔ ہمارے ملک میں وفاقی حکومت، واپڈا اتھارٹی، ملٹری ڈیپارٹمنٹ حتیٰ کہ دیگر تمام اداروں نے سپریم کورٹ کے حکم کے مطابق تمام پنشنرز کو ادائیگی کر دی ہے۔ صرف حکومت پنجاب نے اس ادائیگی کا نوٹیفکیشن ابھی تک جاری نہیں کیا۔ حکومت پنجاب ریٹائرڈ ملازمین کی اس پریشانی کا ازالہ کرنے کیلئے جلد نوٹیفکیشن جاری کریں تاکہ ان پنشنرز کو ملک کی خدمت کرنیوالوں کو ان کا حق مل سکے ۔(غلام صمدانی۔ 45مدینہ بلاک اعوان ٹائون لاہور)