کراچی (این این آئی) پاکستان عوامی تحریک اور تحریک منہاج القرآن کے قائد ڈاکٹر طاہرالقادری نے کہا کہ کارکنان سبز انقلاب کے فائنل معرکے کے لئے تیاری کریں۔ وہ کارکنوں کے دو روزہ تربیتی کیمپ میں کراچی کے کارکنوں سے بذریعہ ویڈیو کانفرنس خطاب کررہے تھے۔ جس میں پاکستان عوامی تحریک، تحریک منہاج القرآن، خواتین، طلباءاور تمام ونگز کے ذمہ داران کارکنان نے شرکت کی۔ طاہر القادری نے کہا ہے امن، اتحاد، نظم اور قربانی کے اسلحہ سے پاکستان میں سبز انقلاب آئے گا اور ایک جان بھی تلف نہیں ہو گی۔ پاکستان پر قابض سٹیٹس کو سے صبح انقلاب یا صبح شہادت تک جنگ لڑی جائے گی۔ عوامی تحریک فیصلہ کن مرحلے کی طرف بڑھ رہی ہے، جس دن یوم انقلاب کا آغاز ہو گا لٹیرے پاکستان چھوڑ کر بھاگ جائیں گے۔ پاکستان قائد اعظم ؒ کا دیا گیا تحفہ ہے جسے حکمرانوں نے تجارتی مفادات کےلئے عالمی طاقتوں کے ہاتھ گروی رکھ دیا ہے۔
طاہر القادری