آئی سی سی ورلڈ ٹی 20 کوالیفائر، وارم اپ میچز آج ہونگے
ابوظہبی(اے پی پی) آئی سی سی ورلڈ ٹی 20 کوالیفائر سے قبل وارم اپ میچز آج منگل سے شروع ہوں گے، پہلے روز آٹھ میچ کھیلے جائیں گے۔ پہلا میچ برمودا اور اٹلی کے درمیان ہوگا، دوسرے میچ میں آئرلینڈ اور ہالینڈ کی ٹیمیں آمنے سامنے ہوں گی، تیسرا میچ پاپوا نیوگنی اور یوگینڈا کے درمیان کھیلا جائے گا۔ چوتھے میچ میں اسکاٹ لینڈ اور امریکا کی ٹیمیں آمنے سامنے ہوں گی، پانچواں میچ افغانستان اور کینیڈا کے مابین ہوگا، چھٹے میچ میں ڈنمارک اور ہانگ کانگ کی ٹیمیں نبرد آزما ہوںگی، ساتواں میچ کینیا اور نمیبیا جبکہ آٹھواں میچ متحدہ عرب امارات اور نیپال کے درمیان کھیلا جائے گا۔ ٹورنامنٹ کا باقاعدہ آغاز 15 نومبر سے ہوگا۔
