لاہور (سپورٹس رپورٹر) پنجاب ٹینس ایسوسی ایشن نے ٹینس ٹورنامنٹ کا شیڈول جاری کردیا۔ایسوسی ایشن کی جانب سے جاری پروگرام کے مطابق گراس روٹ لیول پر کھیل کے فروغ کے لئے لاہور میں 18ویں پنجاب ٹینس چیمپئن شپ کا آغاز آج سے باغ جناح میں ہو گا جس میں پاکستان بھر سے ٹینس کے کھلاڑی شرکت کرینگے۔ 23 نومبر سے 26 نومبر تک جاری رہنے والے نائیکی ٹینس ٹورنامنٹ کا آغاز بھی باغ جناح لاہور میں ہو گا اسطرح میپل لیف ٹینس چیمپیئن شپ12 دسمبر سے شروع ہوگی جو 17 دسمبر تک جاری رہے گی۔سکول کی سطع پر کھیل کے فروغ کے لئے سلامت سکول ٹینس چیمپئن شپ کا آغاز 25 دسبر کو لاہور ہی میں ہو گا۔30 دسمبر تک جاری رہنے والی چیمپئن شپ میں لاہور بھر کے سکولوں کے بچوں کے مابین مقابلے ہونگے۔