اسلام آباد (این این آئی) قومی اسمبلی میں اجلاس کے دور ان دوچڑیاں ہال میں داخل ہوگئیں جس پر سپیکر سردار ایاز صادق اور ارکان کے درمیان دلچسپ جملے بازی ہوئی۔ سردار ایاز صادق نے کہا کہ ایوان میں دو اجنبی آ گئے ہیں جس پر ایوان سے آواز آئی کہ یہ ڈرون ہیں تو سپیکر سردار ایاز صادق نے کہا کہ کیا یہ امریکی یا لوکل ڈرون ہے جس پر پھر ایوان سے آواز آئی کہ یہ نجم سیٹھی کا ڈرون ہے۔ سپیکر سردار ایاز صادق نے کہا کہ انکو نکالنے کی ہر ممکن کوشش کی تاہم ہم کامیاب نہیں ہوسکے لگتا ہے کہ فوج سے مدد لینی پڑیگی جس پر ایوان میں بیٹھے ارکان خوب محظوظ ہوئے۔