لاہور (سپورٹس رپورٹر ) پاکستان کرکٹ بورڈ کے زیراہتمام جاری قائداعظم ٹرافی کا چوتھا مرحلہ کل سے جبکہ پریذیڈنٹ کپ گریڈ ون ٹورنامنٹ پرسوں سے شروع ہوگا۔ کل سے شروع ہونے والے قائداعظم ٹرافی ٹورنامنٹ میں جاری ٹورنامنٹ میں لاہور راوی اور بہاولپور کی ٹیمیں ایل سی سی اے گراونڈ لاہور میں مدمقابل ہونگی۔ دوسرے میچ میں اسلام آباد اور لاہور شالیمار  کی ٹیمیں ڈائمنڈ کرکٹ گراؤنڈ اسلام آباد میں مدمقابل ہونگی۔ تیسرے میچ میں فیصل آباد اور کوئٹہ کی ٹیموںکے درمیان اقبال سٹیڈیم فیصل آباد میں مقابلہ ہو گا۔ چوتھے میچ میں حیدرآباد اور ملتان کی ٹیموں میں ملتان کرکٹ سیٹڈیم میں معرکہ ہوگا۔ پانچواں میچ سیالکوٹ اور راولپنڈی کی ٹیموں کے درمیان جناح سٹیڈیم سیالکوٹ میں جبکہ چھٹے میچ میں پشاور اور ایبٹ آباد کی ٹیمیں ارباب نیاز سٹیڈیم پشاور میں ایک دوسرے سے مد مقابل ہونگی۔ پریذیڈنٹ کپ گریڈ ون ٹورنامنٹ کا چوتھا مرحلہ پرسوں 17 نومبر سے مختلف سنٹرز پر شروع ہو گا ۔