دبئی (اے پی پی) آئی سی سی ورلڈ ٹی ٹونٹی کوالیفائر ٹورنامنٹ کا آغاز (آج) جمعہ سے دبئی میں ہو گا۔ دو ہفتوں تک جاری رہنے والے ایونٹ میں دنیا بھر سے 16 ٹیمیں شرکت کریں گی اور چھ بہترین ٹیمیں آئندہ برس شیڈول آئی سی سی ٹی ٹونٹی ورلڈ کپ میں جگہ بنانے میں کامیاب ہو جائیں گی۔ ایونٹ میں شرکت کرنے والی ٹیموں کو دو مختلف گروپس میں تقسیم کیا گیا ہے، گروپ اے میں آئرلینڈ، نمیبیا، کینیڈا، یوگینڈا، امریکہ، اٹلی، ہانگ کانگ اور متحدہ عرب امارات اور گروپ بی میں افغانستان، ہالینڈ، سکاٹ لینڈ، کینیا، برمودا، ڈنمارک، نیپال اور پاپوا نیو گنی شامل ہیں۔