سوات (ثناء نیوز) سوات میں مکان کی چھت گرنے سے ایک ہی خاندان کے 7 افراد جاں بحق ہو گئے۔پہاڑی علاقہ سربانڈہ میں فریدون نامی شخص کے مکان کے باورچی خانے کی چھت گرنے سے فریدون کی بیوی شاہ مینہ، ایک بیٹا، دو بہوویں موقع پر ہی جاں بحق ہو گئیں جبکہ تین افراد شدید زخمی ہو گئے جن کو مقامی افراد نے فوری طورپر مٹہ سول ہسپتال اور وہاں سے سیدوشریف ٹیچنگ ہسپتال روانہ کر دیا جہاں وہ راستے میں ہی دم توڑ گئے۔ واقعہ کے بعد علاقے میں سوگ کی فضا طاری ہو گئی۔ اس موقع پر ہر آنکھ اشکبار تھی۔