لاہور (خبر نگار) شاہین ایئر لائنز کی حج پرواز گزشتہ روز قدرے کم تاخیر سے لاہور پہنچی۔ شاہین ایئر لائنز کی حج پرواز نے صبح 5 بجے لاہور پہنچنا تھا مگر پونے تین گھنٹے کی تاخیر سے پونے آٹھ بجے لاہور پہنچی۔ شاہین کی ریاض سے آنے والی پرواز پونے تین گھنٹے کی تاخیر سے صبح 6 بجے لاہور پہنچی۔ سعودی ایئر لائنز کی پرواز 736 جدہ سے شام چھ بجکر 40 منٹ کی بجائے سوا تین گھنٹے کی تاخیر سے رات دس بجے لاہور پہنچی۔ جبکہ جدہ جانے والی سعودی ائر لائنز کی پرواز پونے نو بجے رات کی بجائے سوا گیارہ بجے رات روانہ ہوئی۔