ملتان (آئی این پی) ملتان میں دو گروپوں کے مذہبی تصادم میں زخمی ہونیوالا طالب علم نشتر میں دم توڑ گیا۔ واقعہ میں جاں بحق افراد کی تعداد 2 ہوگئی۔ نہم جماعت کا طالبعلم 19 سالہ حبیب الرحمان 16 نومبر کو گھر سے سودا سلف لینے جار ہا تھا کہ دو گروپوں کے درمیان مذہبی تصادم ہوگیا۔ فائرنگ سے حبیب الرحمان  شدید زخمی ہوگیا۔ اسے نشتر ہسپتال داخل کرایا گیا جہاں ہفتہ کے روز وارڈ نمبر 8 میں زخموں کی تاب نہ لاتے ہوئے جاں بحق ہوگیا۔ متوفی طالب علم دو بہنوں کو اکلوتا بھائی تھا جبکہ اسکا والد 15سال سے لاپتہ ہے۔