لاہور ( این این آئی) کامیڈین اداکار افتخار ٹھاکر کو پرستاروں کی محبت مہنگی پڑ گئی ، الفلاح تھیٹر سے واپسی پر پرستاروں نے گھیرے میں لے لیا ، افتخار ٹھاکر نے تحفے کے طور پر اپنے گھڑی اتار کر پرستار کو دیدی  افتخار ٹھاکر الفلاح تھیٹر میں زیر نمائش ’’ چنبیلی ‘‘ میں اداکاری کر رہے ہیں ۔ گزشتہ روز جب وہ سٹیج ڈرامہ کرنے کے بعد اپنی گاڑی میں بیٹھ کر گھر روانہ ہونگے لگے تو ان کے پرستاروں نے ان کو گھیرے میں لے لیا ۔  پرستار کا کہنا تھا میری خواہش ہے کہ آپ مجھے کوئی تحفہ دیں جو میری زندگی کا قیمتی اثاثہ ہو ۔ اس موقع پر افتخار ٹھاکر نے اپنی گھڑی اتار کر اپنے پرستار کو دیدی۔