شمالی وزیرستان اور ہنگو میں ڈرون طیاروں کی پروازیں، لوگوں میں خوف و ہراس
شمالی وزیرستان/ ہنگو (این این آئی) شمالی وزیرستان اور ہنگو میں ڈرون طیاروں کی نچلی پروازوں سے شہریوں میں خوف و ہراس پھیل گیا۔ حکومت، مذہبی اور سیاسی جماعتوں کے احتجاج کے باوجود امریکی ہٹ دھرمی جاری ہے۔ اتوار کو امریکی جاسوس طیاروں کی شمالی وزیرستان کے علاقوں میرانشاہ، ڈانڈے درپہ خیل، غلم خان اور میر علی میں نچلی پروازیں جاری رہیں۔ دریں اثناء ہنگو کے علاقوں لوئر اور سنٹرل کرم ایجنسی میں بھی تین ڈرون طیارے مسلسل پرواز کرتے رہے۔
