جہلم: ویرانے سے نومولود کی نعش برآمد، کیڑے مکوڑے نوچ رہے تھے
جہلم (نامہ نگار) ویرانے سے نومولود کی نعش برآمد ہوئی، پولیس نے مقدمہ درج کر لیا۔ پولیس کے مطابق کالاگجراں ربڑ فیکٹری کی بیرونی دیوارکے ساتھ نامعلوم خاتون اپنا گناہ چھپانے کیلئے نومولود بچے کو پھینک گئی جو پولیس کو مردہ حالت میں ملا جس کو اس وقت کیڑے مکوڑے اور نیولے نوچ رہے تھے وہاں سے ایک محلے دار قبرستان جنت النور گجر پور سے گزر رہا تھا دیکھا توایک نومولود پڑا تھا، اطلاع ملنے پر پولیس موقع پر پہنچ گئی، نامعلوم عورت نے اپنا ناجائز بچہ پیدا کرکے وہاں پھینک دیا تھا پولیس صدر نے نامعلوم خاتون کے خلاف دفعہ 328کے تحت مقدمہ درج کرلیا ہے۔
