لاہور(سپورٹس رپورٹر)معروف انٹرنیشنل کھلاڑی بشارت علی عرف بھولا بھالا پہلوان کو سینکڑوں اشکبار آنکھوں کے سامنے مرکزی قبرستان میں سپردخاک کردیا گیا،نماز جنازہ میں ہر مکتبہ فکر کے لوگوں کی کثیر تعداد نے شرکت کی۔ پاکستان اولمپک ایسوسی ایشن کے صدر لیفٹیننٹ جنرل (ر) عارف حسن اور دیگر آفیشلز نے گہرے دکھ و افسوس کا اظہار کرتے ہوئے کہا ہے کہ پاکستان ایک ہونہار پہلوان سے محروم ہو گیا ہے ہمیں اس بات کا انتہائی دکھ ہے۔