لاہور(سپورٹس رپورٹر) پاکستان ہاکی فیڈریشن کا 50 واں کانگرس اجلاس آج اسلام آباد کے مقامی ہوٹل میں منعقد ہوگا جس میں اگلی چار سالہ مدت کے لیے عہدیداران کا انتخاب عمل میں لایا جائے گا۔ پی ایچ ایف الیکشن کمیٹی میں صدر اور سیکرٹری کے عہدہ کے لیے اختر رسول اور رانا مجاہد علی کے علاوہ کسی نے اپنے کاغذات نامزدگی داخل نہیں کرائے تھے لہذا وہ بلا مقابلہ منتخب ہو چکے ہیں آج کانگرس اجلاس میں دونوں منتخب ارکان اعتماد کا ووٹ حاصل کرینگے۔ بعد ازاں صدر اور سیکرٹری پریس کانفرنس کرینگے۔