لاہور (سپورٹس رپورٹر) 30 واں ملت ٹریکٹر گورنرز کپ گالف ٹورنامنٹ قاسم خان نے جیت لیا۔ لاہور جم خانہ گالف کورس میں منعقد ہونے والے ٹورنامنٹ میں قاسم خان نے 216 نیٹ سکور کے ساتھ پہلی پوزیشن حاصل کر کے ٹائٹل اپنے نام کیا۔ نوید شریف اور ڈاکٹر دلبر حسین 217 کے مشترکہ سکور کے ساتھ دوسرے  اور تیسرے نمبر پر رہے۔ فخر امام 220 سکور کے ساتھ چوتھے، شریف حیدر 220 نیٹ سکور کے ساتھ پانچویں، علی انیش الرحمان چھٹے نمبر پر رہے۔ گراس میں ایم رحمان نے 218 سکور کے ساتھ پہلی، سلمان جہانگیر دوسرے جبکہ فخر امام تیسرے نمبر پر رہے۔ سینئرز کی کیٹگری میں جاوید اے خان نے پہلی اور طارق ملک نے دوسری پوزیشن حاصل کی۔ لیڈیز ایونٹ کا ٹائٹل ماریاما خان نے نیشنل چیمپیئن غزالہ یاسمین کو شکست دیکر ٹائٹل اپنے نام کیا۔ ٹورنامنٹ کی اختتامی تقریب کے مہمان خصوصی چیئرمین ملت ٹریکٹرز سکندر مصطفٰی خان تھے جنہوں نے کامیاب گالفرز میں انعقامات تقسیم کیے۔ اس موقع پر سلمان صدیق چیئرمین لاہور جم خانہ، آغا علی امام کنوینئر گالف، شفقت رانا، آغا پرویز، ایم ایس جنجوعہ سمیت بڑی تعداد میں گالفرز موجود تھے۔