اسلام آباد (سٹاف رپورٹر) چیف آف آرمی سٹاف جنرل اشفاق پرویز کیانی کے الوداع اور بری فوج کی کمانڈ کی تبدیلی کی تقریب 29 نومبر کی صبح ساڑھے دس بجے  جی ایچ کیو میں منعقد ہو رہی ہے۔ اس تقریب میں شرکت کیلئے ارکان پارلیمنٹ، فوجی و سول حکام ، سفارتکاروں، میڈیا اور عمائدین کو دعوت نامے جاری کر دئیے گئے ہیں۔آرمی چیف جنرل اشفاق پرویز کیانی  اس تقریب کے دوران مختصر اختتامی جملے کہیں گے، انہیں الوداعی سلامی پیش کی جائے گی اور  وہ کمانڈ کی علامت، روایتی چھڑی نئے آرمی چیف کو پیش کریں گے۔