فیصل آباد میں لڑکی، گگو منڈی میں چوتھی کلاس کی طالبہ سے اجتماعی زیادتی
فیصل آباد+ گگو منڈی+ حاصل پور (نمائندہ خصوصی+ نامہ نگاران) فیصل آباد میں لڑکی، حاصل پور میں 6 سالہ بچہ، گگو منڈی میں 3 افرد نے چوتھی کلاس کی طالبہ کو اجتماعی زیادتی کا نشانہ بنایا۔ تفصیلات کے مطابق فیصل آباد میں تھانہ گلبرگ کے علاقہ گورونانک پورہ کی رہائشی شمیم بی بی نے مقدمہ درج کرواتے ہوئے موقف اختیار کیا ہے اس کی جواں سالہ بیٹی گھر پر اکیلی کام کاج میں مصروف تھی اسی دوران ملزمان نوید وغیرہ زبردستی گھر میں داخل ہو گئے اور اسے اغوا کر کے نامعلوم مقام پر لے گئے جہاں اسے مبینہ طور پر زیادتی کا نشانہ بنا دیا گیا جس پر پولیس نے مقدمہ درج کر لیا۔ گگومنڈی میں تین افرادکی چوتھی کلاس کی طالبہ سے اجتماعی زیادتی۔ نواحی گائوں 189/E.B کے رہائشی محمد رمضان کی9 سالہ بیٹی (ع) جو چوتھی کلاس کی طالبہ ہے مقامی سکول میں زیرتعلیم ہے 6 نومبرکو سہ پہراڑھائی بجے کے قریب چھٹی کے بعد گھر جا رہی تھی مبینہ طور پر اسے مسمیان اصغر علی، فتح شیر، مسماۃ افشاں بی بی اور ایک نامعلوم شخص نے زبردستی کار میں ڈال کر اغواء کر لیا اور نامعلوم مقام پرلے جا کر تینوں ملزمان نے اس کو باری باری زیادتی کا نشانہ بنا ڈالا جس کے نتیجہ میں معصوم طالبہ کی حالت غیر ہو گئی توملزمان اس کو محمد رمضان کے گھرکے باہر پھینک کر فرار ہو گئے۔ مقامی پولیس نے بچی کے طبی معائنہ کے بعد ملزمان کے خلاف مقدمہ درج کرکے ایک ملزم کو گرفتار کر لیا ہے۔ علاوہ ازیں حاصل پور کے اختر رحمانی کا 6 سالہ بیٹا محمد گھر کے باہر انڈے فروخت کرنے والے عمران سے انڈے لینے گیا تو انڈے فروخت کرنے والے بچہ کو ورغلا کر قریبی خالی پلاٹ میں لے گیا اور زبردستی زیادتی کی۔بچہ کے شور مچانے پر لوگوں کے آ جانے پر وہ بھاگ گیا۔
