لاہور (اے پی پی)  ویسٹ ایشیا بیس بال چیمپئن شپ پنجاب سٹیڈیم میں شروع ہوگئی۔ کل تک جاری رہنے والی چیمپئن شپ میں میزبان پاکستان سمیت افغانستان، سری لنکا اور نیپال کی ٹیمیں شرکت کر رہی ہیں۔ افتتاحی تقریب دوپہر دو بجے پنجاب سٹیڈیم میں ہوئی  ۔ 2 دسمبر کو  فائنل مقابلے کیلئے گورنر پنجاب کو مدعو کیا گیا ہے۔تمام مقابلے لیگ کی بنیاد پر ہونگے۔ افتتاحی روز پہلے میچ میں سری لنکا کی ٹیم نے نیپا ل کو اور پاکستان نے افغانستان کو ہرا دیا۔ سری لنکا نے نیپال کو 18-0سے اور پاکستان نے افغانستان کو 34-0 سے شکست دی۔